Hoenderkaaskoek

Hoenderkaaskoek

Bestanddele

KORS

100 g (½ pak) Cream Crackers, fyn gekrummel
100 ml gesmelte botter
2 ml (½ t) droë gemengde kruie
5 ml (1 t) Italiaanse sprinkelkaas-speserye (Ina Paarman)

VULSEL

30 ml (2 e) botter
1 ui, fyn gekap
30 ml (2 e) koekmeel
180 ml (¾ k) hoenderaftreksel
250 ml (1 k) gerasperde cheddarkaas
5 ml (1 t) mosterdpoeier
sout en vars gemaalde swartpeper
250 g krummelmaaskaas
3 eiers, geskei
80 ml (¹∕³ k) room
500 ml (2 k) gaar hoendervleis, gepluis

Metode

Voorverhit die oond tot 180 °C. Smeer ’n 20 cm losboompan.

KORS:  Meng alles saam en druk vas op die boom van die pan.

VULSEL:

Smelt die botter en braai die ui tot sag. Voeg die meel by en roer tot dit sonder klonte is.

Roer die aftreksel geleidelik by en laat kook. Verwyder van die hitte.

Roer die kaas en mosterd by en geur met sout en peper.

Klits die maaskaas, eiergele en room saam. Voeg by die kaassous.

Meng die hoender by.

Klits die eierwitte styf en vou in.

Skep die vulsel in die kors. Bak 100 minute tot gestol.

Laat afkoel en ontvorm op ’n dienbord.

 

Bron:  Huisgenoot

Aantal kere besoek: 5586

Kommentaar:


Hierdie resep het nog geen kommentaar nie, jy kan inlog en die eerste een wees om kommentaar op hierdie resep te lewer!

Roly Poly Poeding
Roly Poly Poeding...meer
Freda se Kerrie-resep
Freda se Kerrie-resep...meer
Pikante Viskoekies
Pikante Viskoekies...meer
Mokka Fudge Poeding
Mokka Fudge Poeding...meer
Braai Ontbyt Pot
Braai Ontbyt Pot...meer
Ouma Anne se Peri-Peri Hoender
Ouma Anne se Peri-P...meer