Waatlemoenkonfyt

Waatlemoenkonfyt

Verwyder die groen skil en sagte binneste van ‘n maketaan waatlemoen.

Sny die wit skil in stukke.

Prik elke stuk baie goed met ‘n vurk en weeg die stukke.

Plaas die waatlemoen oornag in ‘n kalkoplossing gemaak van 12,5 ml kalk en 3,6 liter water.

Spoel die volgende dag baie goed af en laat in skoon water week vir ten minste 2 uur.

Plaas skoon water in ‘n groot kastrol en verhit tot kookpunt.

Voeg die stukke waatlemoen een vir een by terwyl die water voortdurend kook.

Indien die water ophou kook, sal die stukke pap word.

Kook tot die stukke helder is en ‘n tandestokkie maklik daardeur gesteek kan word.

 

Berei ‘n stroop voor :

In ‘n diep kastrol, bring 500 g suiker en 1 liter water vir elke 500 g waatlemoen tot kookpunt.

Roer aanhoudend tot suiker opgelos en dik begin raak.

Voeg die sap van 1 suurlemoen, ‘n knypie sout en 5 gemmerstukke by.

Voeg die stukke waatlemoen een vir een by kokende stroop en kook tot stukke helder en deurskynend is.

Pak in skoon gesteriliseerde bottels en verseël.

 

Bron:  Boerekos.com

 
Aantal kere besoek: 9735

Kommentaar:


Hierdie resep het nog geen kommentaar nie, jy kan inlog en die eerste een wees om kommentaar op hierdie resep te lewer!

Geurige aartappel en kaaskebabs
Geurige aartappel en kaaskebabs...meer
Bros Koekies
Bros Koekies...meer
Mossel en aartappelsop
Mossel en aartappelsop...meer
Pampoentert
Pampoentert...meer
Kaastert
Kaastert...meer
Vinnige Dip
Vinnige Dip...meer