Korslose kaas-quiche

Korslose kaas-quiche

Bestanddele

• 60 ml botter
• 60 ml meel
• 150 ml melk
• 5 groot eiers, liggies geklits
• 1 x 250 g-bakkie gladde maaskaas
• 2,5 ml Dijon-mosterd
• 2,5 ml bakpoeier
• 100 g gruyère of beleë cheddar, gerasper
• 5 sprietuie, in fyn ringetjies gesny
• 30 ml gerasperde parmesaan en roket, om voor te sit

 

Metode

1 Smelt die botter in ’n kastrol. Gooi die meel by en roer. Haal dit van die plaat af en roer die melk bietjies-bietjies by om ’n baie dik witsous te vorm. Sit terug op die plaat en laat vir vyf minute kook – roer die heeltyd. Haal van die plaat af en roer nog vyf minute tot afgekoel.

2 Meng die eiers, maaskaas, mosterd en bakpoeier in ’n bak en geur dit na smaak.

3 Meng die eiermengsel met die witsous en roer die gruyère of cheddar en sprietui by. Skep in ’n gesmeerde oondbak en bak vir 30 minute in die oond teen 180 °C, tot goudbruin en gaar in die middel. Sprinkel die parmesaan oor die warm quiche en laat dit vir 10 minute rus. Sny en sit met roket voor.

 

Bron:  Idees

 
Aantal kere besoek: 7003

Kommentaar:


Hierdie resep het nog geen kommentaar nie, jy kan inlog en die eerste een wees om kommentaar op hierdie resep te lewer!

Bros Koekies
Bros Koekies...meer
Kondensmelkkoekies
Kondensmelkkoekies...meer
Biltongslaai
Biltongslaai...meer
Mikrogolf Fudge
Mikrogolf Fudge...meer
Koppie slaai (gluten vry)
Koppie slaai (gluten vry)...meer
Pannekoek met Melktertvulsel
Pannekoek met Melktertvulsel...meer