Krummel-appeltert

Krummel-appeltert

(1 tert van 24 cm)

Bestanddele

KORS
120 g botter
125 ml (½ k) suiker
1 eier
2 ml (½ t) vanieljegeursel
500 ml (2 k) koekmeel
10 ml (2 t) bakpoeier
knippie sout

VULSEL
1 blik (385 g) tertappels
30 ml (2 e) bruinsuiker
fyn kaneel vir oorsprinkel

Voorverhit die oond tot 200 °C. Smeer ’n tertpan of veerklamppan van 24 cm.

 

Metode

KORS: Verroom die botter en suiker saam tot lig en donsig. Voeg die eier en vanieljegeursel by en klits goed.

Sif die meel, bakpoeier en sout saam en roer by die mengsel in om ’n sagte deeg te vorm.

Draai die deeg in waspapier toe en laat 20 minute in die yskas rus.

Deel die deeg in 2 helftes. Druk die een helfte op die boom van die pan vas en plaas 20 minute in die yskas.

VULSEL: Meng die tertappels en suiker en skep oor die deegkors.

Sprinkel ’n bietjie kaneel bo-oor. Rasper die res van die deeg bo-oor en bak 25 minute in die oond tot goudbruin.

 

Bron:  Huisgenoot

 

 
Aantal kere besoek: 19025

Kommentaar:


Hierdie resep het nog geen kommentaar nie, jy kan inlog en die eerste een wees om kommentaar op hierdie resep te lewer!

Tuna Macaroni Gereg
Tuna Macaroni Gereg...meer
Creme Karamel
Creme Karamel...meer
Broodpoeding
Broodpoeding ...meer
Broccoli Slaai
Broccoli Slaai...meer
Mengeldrankies: 3 gunstelinge
Mengeldrankies: 3 gunstelinge...meer
Bak gesonde koekies in 30 minute
Bak gesonde koekies in 30 minute...meer