Lamsvleis-en-botterskorsiekerrie

Lamsvleis-en-botterskorsiekerrie

Bestanddele

• 45 ml sonneblomolie

• 6 kardemomsade, gekneus

• 1 kaneelstokkie

• 1 kg lamskenkels

• 2 uie, gekap

• 8 ml fyngedrukte knoffel

• 8 ml gerasperde gemmer

• 10 ml elk fyn komyn, koljander en paprika

• 2 blikke heel tamaties

• 300 g botterskorsieblokkies

• 100 g droë appelkose

• 10 ml suurlemoensap

• 50 ml warm blatjang

• gekapte vars koljanderblare

 

Metode

Verhit 30 ml sonneblomolie in ’n

swaarboomkastrol. Voeg die kardemom

en kaneel by. Roer en voeg

dan ’n paar stukkies vleis by. Braai dit

totdat die vleis oraloor mooi bruin

is. Skep die vleis uit die pan en hou

dit eenkant. Herhaal die proses met

die res van die lamsvleisstukkies.

 

Verhit die res van die olie en voeg

die ui by. Soteer tot sag en gooi dan

die knoffel, gemmer en speserye

by. Braai vir ’n paar minute en gooi

die tamatie by. Verhit tot kookpunt

en skep dan die lamsvleis terug in

die kastrol. Sit die deksel op en laat

vir omtrent 1½ uur prut tot die vleis

amper sag is.

 

Voeg die botterskorsie

en appelkose by en kook dit vir nog

30 minute of tot sag.

 

Roer die suurlemoensap, blatjang

en koljanderblare deur.

 

Bron:  Idees Tydskrif

Foto:  Idees Tydskrif

Aantal kere besoek: 3053

Kommentaar:


Hierdie resep het nog geen kommentaar nie, jy kan inlog en die eerste een wees om kommentaar op hierdie resep te lewer!

Hoenderkaaskoek
Hoenderkaaskoek...meer
Vinnige Hoenderpastei
Vinnige Hoenderpastei...meer
Hamburger Patties
Hamburger Patties...meer
Koffie-en-neut-rollade
Koffie-en-neut-rollade...meer
Beesvleispastei
Beesvleispastei...meer
Spek-hoender-en-sampioenpastei
Spek-hoender-en-sampioenpastei...meer