'n Heerlike vleisgereg vir 'n koue wintersdag.
BESTANDDELE:
6 Skaapskenkels (opgesaagde skenkels werk ook, maar dit is baie lekkerder as elkeen sy eie skaapskenkel kry).
Marinade:
- 3 groot uie fyn gesny
- ½ koppie blatjang
- ½ teelepel fyn gemmer
- 2 huisies knoffel, fyn gekap
- 12,5ml heuning
- ½ koppie bruin asyn
- ½ koppie tamatiesous
- 25ml appelkooskonfyt
- 1 blokkie biefekstrak
- 5ml mostertpoeier
- 'n knypie fyn naeltjies, neutmuskaat en tiemie
- sout en peper na smaak
- 25ml sjerrie
METODE:
- Braai die uie en knoffel in 'n klein bietjie olie tot sag en voeg die ander bestandele by.
- Prut stadig vir sowat 'n halfuur en roer.
- Plaas die skenkels in 'n oondbak en giet die marinade bo-oor.
- Maak die bak toe en los oornag in 'n oond gestel op 100 grade Celsius.
- Voor opdiening, bedruip weer en plaas vir 20 minute oop in 'n baie warm oond 220 grade Celsius.
- Draai na 10 minute en bedruip weer.
BRON: Onthou jy nog? saamgestel deur Anna Eksteen
1,274 kere besoek
Appelkooskoekies
Sien
Jambalaya Rys
Sien
Skoonma se Sjokoladekoek
Sien
Hollandaise-sous
Sien