Boerewors-"sliders" met tamatiesalsa

Bestanddele

1 pak (ongeveer 400 g) boerewors, vleis uit omhulsel gedruk

olyfolie

1 blik (400 g) tamatie-en-uiemengsel

1 t (5 ml) fyn brandrissievlokkies

1 t (5 ml) gewone of gerookte paprika

sout en gemaalde swartpeper

1/4 ysbergslaai, gesnipper

2 groot agurkies, gesny

1 pak (12) mini-burgerrolletjies

 

Metode

Vorm worsvleis in 12 klein patties.

Verhit 'n skeut olie in 'n pan en braai die patties tot goudbruin en deurgaar.

Dreineer op kombuispapier.

Verhit tamatie-en-uiemengsel en speserye saam in 'n klein kastrol.

Geur goed.

Stappel slaai en agurkies (uie- en tamatieringe kan ook bygevoeg word) op die rolletjies en sit die patties bo-op.

Skep sous oor en sit voor.

 

Bron:  Kook en Kuier (Pick 'n Pay)