Dit is voorwaar die maklikste resep en jy kan bysit wat jy wil vir ander geure soos anys en marmelade en so: 

Bestanddele:
750 ml melk 
750 ml suiker
500 g botter
25 ml sout 
3.75kg meel
3 pakkies kitsgis 
1 liter water
3 eiers geklits

Metode:
Kook melk, water, suiker, botter en laat afkoel (ek doen dit eerste sodat by die tyd as ek klaar is met die ander is dit koel). Meng meel, sout en gis. 
As melkmengsel afgekoel is gooi eiers by. Voeg melkmengsel by meel en meng, knie (indien styf voeg nog melk by) 
Maak warm toe en laat rys vir 2 uur tot dubbel in hoogte. Vorm bolletjies en sit in gesmeerde panne en laat rys op warm plek. Bak 1 uur op 180C (indien fahrenheit oond is dit 350) Net voor uur om is klits 10 ml suker en 12.5 ml melk en smeer bo-oor. Sit terug in oond tot blink en goudbruin. Haal uit, sit op afkoelrak en breek oop. Droog dit vir 5 tot 6 ure in 100 C oond. Ek het dit oornag uitgedroog op 70 grade.
Bron & Foto: Natalie Hayley Mohamed 
Plasing & Foto: Natalie Hayley Mohamed / WATERTAND RESEPTE VIR OUD EN JONK 
BOER BESKUIT