Slaaisous 

60 ml balsem-asyn 

125 ml olyfolie 

1 knoffelhuisie, gekneus 

5 ml suiker of na smaak 

5 ml Dijon-mosterd 

1 stingel sprietui, fyngekap 

sout en varsgemaalde swartpeper 

 

Biltong Slaai 

250 g klam, baie dun gekerfde biltong 

375ml gerasperde cheddarkaas 

'n verskeidenheid blaarslaai om die slaai op te rangskik 

3 agurkies, gekap 

2 hardgekookte eiers, in skyfies gesny 

2 ryp avokado’s, in blokkies, besprinkel met suurlemoensap 

 

Metode: 

Plaas al die bestanddele vir die slaaisous in 'n skroefdekselbottel en skud goed. Hou in die yskas tot benodig. Plaas die biltong en kaas in 'n bak en voeg genoeg van die slaaisous by om dit goed klam te maak. Bedek en marineer ten minste 'n uur (of selfs tot 'n dag lank) in die yskas. Rangskik die blaarslaai op 'n mooi groot plat slaaibord en pak die slaaibestanddele bo-op. Besprinkel liggies met van die slaaisous. Skep die gemarineerde biltongmengsel bo-op en sit die oorblywende slaaisous apart in 'n klein bekertjie voor. Sit dadelik voor.