Klapper-malvalekkers

Maak sowat 20 lekkers
Bereiding: 10 minute
Stoltyd: sowat 1 uur

Bestanddele

30 ml (2 e) gelatien
125 ml (½ k) koue water
500 ml (2 k) strooisuiker
125 ml (½ k) kookwater
12 druppels pienk voedsel-kleursel
10 ml (2 t) vanieljegeursel
klapper, helfte pienk gekleur, vir rol

Metode

Spuit ’n 2,5 L-bak met kossproei.

  1. Spons die gelatien in die koue water in ’n glasbak. Verhit tot gesmelt, maar moet die mengsel nie laat kook nie.
  2. Voeg die strooisuiker en kookwater by en klits 7-10 minute met ’n elektriese klitser tot die mengsel verdik en wit verkleur.
  3. Verdeel die mengsel in twee en kleur versigtig in verskillende skakerings van pienk met die kleursel.
  4. Voeg die vanielje by. Klits weer goed en giet in die voorbereide bak. Die mengsel moet sowat 1,5 cm diep daarin lê. Plaas in die yskas tot gestol en sny dan in blokkies.
  5. Rol in die klapper

Bron:  Huisgenoot Digitaal

Foto:  Huisgenoot Digitaal