Stokkie-worsrolletjies

Bestanddele

400 g dun boerewors
sowat 500 g brooddeeg
50 g botter, gesmelt
tamatiesous om mee voor te sit

Voorverhit die oond tot 180 °C.

Metode

Week 8 sosatiestokkies in water.

Sny die wors in stukke van sowat 10 cm en ryg elke stuk op ’n sosatiestokkie.

Verhit ’n riffelpan en braai die wors tot amper gaar. Laat afkoel.

Laat rys die deeg sowat 20-30 minute. Knie dit af op ’n meelbestrooide werkoppervlak en deel dit in ewe groot balle.

Vorm lang deegworse. Draai hulle om die gebraaide wors en knyp die punte aan die bo- en onderkant van die wors vas.

Plaas die rolletjies op ’n gesmeerde bakplaat en laat rys sowat 20 minute.

Smeer die rolletjies met die botter en bak 20-30 minute of tot gaar.

Sit voor met tamatiesous of selfs stukke vars tamatie.

 

Bron:  Huisgenoot