Ontbeende Varkboud

Bestanddele

3 kg ontbeende gepekelde varkboud (gammon)
2 liter appelsap
500 ml (2 k) witwyn
250 ml (1 k) water
2 uie, grofgekap
2 wortels, in dik skywe gesny
2 selderystingels, grofgekap
2 naeltjies
2 lourierblare
10 swartpeperkorrels
2 takkies vars pietersielie

Verglansing

125 ml (½ k) heuning
125 ml (½ k) wit balsemieke asyn

Metode

1 Plaas varkboud in diep kastrol. 
2 Voeg ander bestanddele by. 
3 Verhit vloeistof tot kookpunt. Vandat vloeistof begin borrel het, kan jy 25 minute bereken vir elke 500 g vleis, bv. 3 kg gaan 2½ ure kook. 
4 Laat klaar gekookte varkboud in vloeistof afkoel. Die warm vloeistof sal varkboud nog bietjie gaarder maak. 
5 Haal varkboud uit vloeistof en sny vetgedeelte aan bokant af. 
6 Maak vlak insnydings in varkboud met mes op gedeelte waar nog bietjie vet teenwoordig is. 
7 Plaas in oondpan. 
8 Verglansing: Meng heuning en balsemieke asyn en verf bo-oor varkboud. 
9 Plaas varkboud onder roosterelement en rooster tot bokant effens begin verbruin. 
10 Haal varkboud uit oond en verf oorblywende heuning en balsemieke asynmengsel bo-oor. 
11 Sny in dun skywe en sit koud of louwarm voor.

Bron:  Vrouekeur