Trooskos vir die wintersaande.
BESTANDDELE:
- 90ml koekmeelblom
- 5ml sout
- 15ml paprika
- 2kg beesstert, in porsies gesny
- 50ml braaivet
- kookwater
- 300g sampioene, gekerf
- 1 rooi soetrissie, ontpit, in ringe gesny
- 1 knoffelhuisie, gekneus
- 2 groot uie, in ringe gesny
- 2 vleisaftreksel-blokkies
- 15ml kerriepoeier
- 225ml sjerrie
- warm, gaar ertjies vir garnering
METODE:
- Meng koekmeelblom, sout en paprika en bedek beesstert daarmee (hou oortollige meelmengsel eenkant).
- Verhit braaivet in 'n swaarboomkastrol.
- Verbruin beesstert.
- Voeg genoeg kookwater by om beesstert net-net te bedek.
- Sit deksel op en stowe vir 1 uur oor matige hitte.
- Voeg sampioene, soetrissie, knoffel, ui, aftrekselblokkies en kerriepoeier by.
- Roer goed deur.
- Plaas deksel op en stowe vir 3 tot 3½ uur tot beesstert sag is.
- Roer sjerrie by, plaas deksel op en stowe 15 minute.
- Maak gladde pasta van die orige meelblom en bietjie water.
- Roer by bredie.
- Kook vir 5 minute sonder deksel.
- Geur na smaak.
- Skep op en garneer met warm, gaar ertjies.
BRON: Onthou jy nog? saamgestel deur Anna Eksteen
1,032 kere besoek
Mikrogolf Mieliebrood
Sien
Hoender met Broccoli
Sien
Peri-peri hoenderlewerpasta
Sien
Beskuit
Sien