Flatervrye souttertjies

Maklik en vinnig om te maak.

Vir 24

Voorbereityd: 15 minute

Gaarmaaktyd: 30 minute

 

BESTANDDELE:

  • 1 eetlepel botter
  • 2 uie, gekap
  • 4 blikkies (170 g) tuna of salm
  • 1 teelepel gegeurde sout (soos Ina Paarman se braaisout)
  • 2 teelepel gedroogde pietersielie of tiemie
  • 2 koppies bevrore groente (ertjies, wortels en mielies)
  • 2 koppies mozzarellakaas, gerasper
  • 1 koppie koekmeel
  • 1½ teelepel bakpoeier
  • 'n knippie sout
  • 1 eetlepel botter
  • 1 koppie melk
  • 4 eiers

 

METODE:

  1. Voorververhit die oond tot 200 grade Celsius en spuit twee dosyn-muffinpanne baie goed met kleefwerende sproei.
  2. Smelt die botter in 'n pan en braai die ui liggies tot sag.
  3. Voeg dan die gedreineerde vis, sout, kruie en groente by en roer totdat alles deurwarm is.
  4. Laat dit eenkant afkoel en meng dan die kaas deur.
  5. Meng die koekmeel, bakpoeier en sout in 'n aparte bak en vryf die botter daarby in.
  6. Klits die melk en eier daarby in.
  7. Verdeel die beslag tussen die 24 holtes en skep dan sowat 'n ¼ koppie van die vulsel in elke holte.
  8. Bak dit op die oond se middelste rak vir 30 minute tot goudbruin.
  9. Pak die muffins in 'n lugdigte houer - dit sal tot 4 dae vars bly mits jy dit op 'n koel plek bêre. Of jy kan dit vries en uithaal soos jy dit nodig kry.

Wenk:

Jy kan die tuna met gevlokte hoender vervang. Kook hoenderborsies of -worsies en trek dan die vleis met twee vurke uitmekaar voor jy dit in die tertjievulsel gebruik.

BRON: Weg! Tydskrif (13 Junie 2023) - Aletta Lintvelt

231 kere besoek
Cleo's Braai Pie - Biltong

Tamatiebredie

Sien

Biltong-patee

Sien

Kerriebone

Sien

Partytjieworsies

Sien